Ең әдемі көктем мерекесі - 8 наурыз қарсаңында әйелдер әрқашан  жылы сөздер мен құттықтауларды күтеді , ал ер адамдар оларды таң қалдыруға және тамаша, мерекелік көңіл-күй сыйлаға тырысады.

Бүгін, Қалалық психикалық денсаулық Орталығында бірнеше салтанатты іс-шаралар өтті. Ресми іс-шара барысында директордың м.а. Комарова Ольга Николаевна наркологиялық блокты құттықтаса, психиатриялық блокқа  дәстүр бойынша Нұрқатов Ербол Маратұлы ыстық лебізі мен құттықтауын жеткізді.

Осы мерекені тойлау аясында, психиатриялық блоктың №1 балалар бөлімшесіндегі  кішкентай пациенттер аналары мен әжелеріне мерекелік концерт ұйымдастырып, оларға өз қолдарымен дайындаған сыйлықтарды табыстады.

Сонымен қатар,  психиатриялық блоктың №5 әйелдер бөлімшесінде медициналық қызметкерлер мен пациенттер өз өнерлерін ортаға сала отырып,  іс-шараға белсенді қатысты. Осы аталған шаралардың  барлығы қатысушыларға мерекелік қуаныш пен шаттық сыйлады.

Құрметті Ханымдар, Қалалық психикалық денсаулық Орталығы Сіздерді келе жатқан Халықаралық әйелдер күнімен құттықтайды! Көктемнің гүліндей құлпырып, әсемдіктің, әдеміліктің, әдептіліктің иесі болып қала беріңіздер! Зор денсаулық, мәңгі жастық пен сұлулық тілеймін!