Астана қаласында «Қалалық психикалық денсаулық орталығы» ШЖҚ МКК базасында «Қамқорлық» ерте араласу орталығы ашылды, оның негізгі қызмет түрі дамудың ерте кезеңдерінде (3 айдан 3 жасқа дейін) балаларға кешенді оңалту көмегін көрсету.

Тәжірибе көрсеткендей, дәл 3 жасқа дейін баланың миы икемді және қалпына келтіруге өте ыңғайлы жас. Емді неғұрлым ерте бастаса, мүгедектіктің ауырлығы соғұрлым төмен болады және балада  өз дертін жеңу мүмкіндігі артады.  Жоба ең ауқымды болады деп  жоспарлануда, себебі орталыққа 900 шаршы метрден астам орын бөлінуде.

Мұндай маңызды жобаны іске асыру «Самұрық-Қазына» АҚ мен ҚР Тұңғыш Президенті - Елбасы Н.Назарбаев Қоры арасындағы қол қойылған меморандум аясында мүмкін болды.

Ай сайын орталық айына 50-ге дейін бала қабылдауды жоспарлап отыр, оңалту курсы 21 күнтізбелік күнді құрайды, балалар әр 2-3 айда оңалтудан өтуге мүмкіндік алады, өйткені ерте жастағы оңалту үздіксіздікті талап етеді.

Ерте араласу орталығы неврологиялық диагнозы бар 3 айдан 3 жасқа дейінгі балаларды қабылдайды:

• Церебралды сал ауруы;
• Орталық жүйке жүйесінің басқа зақымдануы (қозғалыс бұзылыстары синдромы, мерзімінен бұрын туылған балалар, гипоксия, асфиксия, церебральды сал ауруы қаупі бар балалар...);
• Туа біткен даму ақаулары;
• Нейроинфекцияның салдары
• Даун Синдромы;
• Прогрессивті бұлшықет дистрофиясы;
• Туа біткен жарақаттар және қозғалыс бұзылыстарымен бірге жүретін жүйке жүйесінің басқа аурулары.

Орталық бүгінгі таңда кадрлармен жабдықталған - жобаның талаптарына сәйкес 20 маман дайындалды. Олар оқудан өтіп, сертификат алып жатыр. Балаларды ішіне мына дәрігерлер кіретін мамандардың мультитәртіптік  тобы бақылайды:

• Невролог дәрігер
• Реабилитолог дәрігер
• ЕДШ дәрігері
• Педиатр дәрігер
• Балалар  ортопед дәрігері
• Суродолог дәрігер

Педагогикалық құрам:

• дефектолог маманы
• логопед маманы
• эрготерапевт маманы
• балалар психологы

және ЕДШ  нұсқаушыларының бтұтастай мамандар командасы.

Орталық 3 керемет жаттығу залы мен «Механотерапия» залымен жабдықталған. Сондай-ақ ЕДШ залдарына ең заманауи, қажетті жабдықтар сатып алынды («Бобат» функционалдық кушеткалары, емдеуге арналған әртүрлі жұмсақ модульдер, төсеніштер, білікшелер, бұрыштар, тренажерлер: «иппотренажер», «Мотомед» тренажері, «Атлант» пневмо-костюмдері, «Корвит» аппараты, көптеген «Вертикализаторлар», сондай-ақ залдарда компьютерлік-ойын тренажерлері бар...). Дефектолог мамандардың кабинеттерінде түрлі дамытушы құралдар, панельдер мен ойыншықтардан басқа интерактивті сенсорлық үстел бар, онда ерте жастағы балаларға арналған 150-ден астам дамытушы ойындар бар. Эрготерапия залы Мария Монтессори әдістемесі бойынша ойыншықтар мен құралдардың барлық түрлерімен жабдықталған. Монтессори - ерте даму әдісі және біздің мамандарымыздың міндеті баланың қызығушылығына бейімделу, балаға ойлау, таңдау және әрекет ету еркіндігін беру өте маңызды.  Бұл залда тыйым жоқ және баланың қателік жіберуге құқығы бар, осылайша бала  тәуелсіздікке тәрбиеленеді. Сондықтан барлық нұсқаулықтар баланың өзі таңдай алатындай етіп сөрелерде орналасқан. Логопед мамандар әдеттегідей сөйлеу және сөйлеу бұзылыстарын түзету бойынша жұмыс істейді, бірақ егер баланың әлі тілі шығатын жаста болмаған кезде, логопед мамандар дұрыс шайнауға, жұтуға, күлуге және алғашқы сөздерді айтуға үйретеді. Логопед мамандардың кабинеттері кушеткалармен, айналармен, арнайы үстелдермен, зондтармен, дамытушы  шуылдақ ойыншықтарымен жабдықталған... Сондай-ақ орталықта скрининг жүргізуге, ерте жастан есту қабілетінің бұзылуын анықтауға арналған аудиометрия аппараты бар. Физио процедуралардың ішінен «Посейдон құрғақ Флоатинг ваннасы» сумен емдеу жабдығын орнату  жоспарлануда, ол пациенткеөзін барынша жеңіл  сезінуіне ықпал етіп, денесін қыздырып, орау, гидромассаж әсерін барынша алуға мүмкіндік береді. Мұндай ваннаның көрсеткіштері: тірек-қимыл аппаратының бұзылуы, жүрек-тамыр, иммундық жүйе, әртүрлі генездегі ауырсыну және жарақат. «Қамқорлық» орталығы мамандарының маңызды міндеті ата-аналармен күнделікті қарапайым іс-әрекеттер мен қимылдарға: баланы қалай дұрыс көтеруге, тамақтандыруға, киюге, отырғызуға және т.б. үйрете отырып, үлкен жұмыс жүргізу болып табылады.

ЕДШ нұсқаушысының сабағын өткізетін жеке сабақтарға арналған ЕДШ залы. Бұл залда жаттығулар төсеніштерде, арнайы кушеткаларда жатқызып емдеу үшін біліктерді, бұрыштарды   қолданумен өтеді.

Жүруге үйретуге, дағдыландыруға, үйлестіру мен тепе-теңдікті жақсартуға арналған ЕДШ залы. Жүру үлгісін жақсарту: қадамның биіктігін/ұзындығын арттыру.

Механотерапия залы, онда  балалардың тренажерлармен айналысуға мүмкіндігі бар: MOTOmed велотренажері, корит аппараты, Родео Иппотренажері, компьютерлік-ойын тренажерлері.

Эрготерапия залы, онда  эрготерапевт мамандар Мария Монтессори әдісімен айналысады. Мамандар қарапайым тұрмыстық дағдыларды үйретеді.

Дефектология кабинеті, онда дефектологтар қабылдайды, олар кең бейінді  мамандар:   оқыту, тәрбиелеу және әлеуметтендірумен айналысады.

Логопед кабинеті: онда логопед мамандар жұмыс істді, олар сөйлеуден басқа, дұрыс шайнауға, жұтуға үйретеді.

Орталыққа пациенттерді қабылдау келесі құжаттар болған жағдайда жүзеге асырылады:

• учаскелік дәрігер-педиатрдың немесе амбулаториялық-емханалық қызметтің жалпы практика дәрігерінің жолдамасы;
• баланың туу туралы куәлігінің көшірмесі;
• ата-анасының немесе заңды өкілінің куәлігінің көшірмесі;
• амбулаториялық картадан үзінді көшірме;р
• Талдаулар нәтижелеріи (ЖҚТ, ЖНТ, г/ж-ға нәжіс, кемі 10 күн), Covid19 вакцинациясының паспорты немесе ПТР тестінен өткені туралы анықтама (теріс) 5 күннен кешіктірмей.

Сонымен қатар, сізді қызықтыратын барлық сұрақтар бойынша келесі телефондар арқылы хабарласа аласыз:

8 778 364 86 70

8 771 376 54 37

8 775 112 36 38

Біз мына мекенжайда орналасқанбыз: Астана қ, І.Жансүгіров к. 12/7